Kandidatura e prefektes aktuale të Vlorës, Etjona Hoxha për të garuar për postin e deputetes në zgjedhjet e 18 qershorit, nën siglën e Partinë Socialiste, ka zgjatur vetëm pak orë.
Hoxha është tërhequr nga kandidimi për zgjedhjet parlamentare. Sipas burimeve për “Tirana Today”, Hoxha e ka marrë një vendim të tillë për shkak të renditjes së saj në vendin e 9-të në listën e kandidatëve për deputetë për Qarkun e Vlorës.
Kryesuesi i listës për Qarkun e Vlorës, Damian Gjiknuri bëri publik dje në mbrëmje vonë emrin e Etjona Hoxhës, duke e renditur atë të nëntën në listë.
Por, si duket kjo nuk i ka pëlqyer aspak Hoxhës, e cila i është frikësuar një humbjeje të sigurt në zgjedhjet e 18 qershorit dhe ka menduar që të qëndrojë në postin aktual, atë të prefektes së Vlorës.
Tirana Today
