Kryetari i Aleancës për Ardhmërinë e Kosovës, Ramush Haradinaj, pak çaste më parë ka zbritur në aeroportin ndërkombëtar të Prishtinës, “Adem Jashari”.
Haradinaj, i cili sot në mëngjes është liruar nga një gjykatë në Francë, ku ka qëndruar gjatë katër muajve të fundit, pas ndalimit të tij atje, në bazë të një fletarrestimi ndërkombëtar të lëshuar nga Serbia, për krime lufte, po pritet nga familja e tij, nga bashkëpunëtorë dhe qindra qytetarë.
Ish-komandanti i Ushtrisë Çlirimtare të Kosovës do të niset menjëherë drejt qendrës së kryeqytetit, ku pritet t’iu drejtohet qytetarëve të shumtë, të mbledhur në sheshin “Zahir Pajaziti”.
