Sipas raportimeve më të fundit, Kristal Palas është gati të emërojë Patrik Vieiranë si menaxherin e ri.
Legjenda e Arsenalit ka arritur një marrëveshje parimore me skuadrën e Premier League-s, por kontrata ende nuk është nënshkruar, sipas Athletic.
Të gjitha palët e përfshira presin që marrëveshja të zyrtarizohet me një njoftim zyrtar shumë shpejt .
Raporti gjithashtu thekson se procesi i aplikimit për vizë pune për Vieiranë është në zhvillim e sipër me shpresën se ai do të jetë në gjendje të marrë drejtimin e stërvitjes të hënën.
Palas do të fillojë përgatitjet për sezonin 2021/22 javën e ardhshme, teksa klubi i “Selhurst Park” shpreson që francezi të jetë gati për mbikëqyrjen e seancës së tyre të parë para-sezonale.
Shqiponjat po kërkojnë një menaxher të ri pas largimit të Roy Hodgson, i cili u largua në fund të sezonit të kaluar pas 5 vitesh.
Vieira, 45 vjeç, ka shijuar një karrierë të pasur me trofe tek Arsenali, ku ka fituar kampionatin tri herë, duke përfshirë sezonin e famshëm të “Të pamposhturve”.
