Protesta e cila çoi në dëmtime të konsiderueshme të derës hyrëse në Kryeministri, dhe shkatërrimin total të instalacionit të kërpudhës që ndodhet në lulishten e godinës, përfundoi me 80 persona të shoqëruar. Protestuesit çanë disa herë kordonin e policisë, por nga ana e liderëve politikë dhuna u quajt e nxitur nga ana e qeverisë.
Bëhet me dije se janë lëshuar 15 urdhër – arreste, 7 prej të cilave janë ekzekutuar. Mes personave të arrestuar ka qenë edhe “Ujku i Cërrikut”, i cili u bë i “famshëm” në disa dalje në media.
Saimir Servet Rexhep, 42 vjeç, është prangosur nga komisariati i policisë së Cërrikut për llogari të policisë së Tiranës. Sipas policisë, 42-vjeçari ka qenë mes grupit të protestuesve të dhunshëm, që çau kordonin e policisë dhe sulmoi ndërtesën qeveritare, ku u shkatërruan edhe dy vepra artistike. “Ujku i Cërrikut” është personazh i njohur edhe për policinë, pasi në të kaluarën është dënuar me 6 vite burg për “trafik droge”.
Referuar dhunës në protestë, Prokuroria e Tiranës ka nisur hetimet për akuzën e “shkatërrimit të pronës publike”, “goditjes ndaj efektivëve të policisë” dhe “kundërshtimit të forcave të rendit”.
Policia aksione ‘blic’ për të arrestuar protestuesit, ja çfarë u pa nga kamerat e sigurisë
