Presidenti Meta i ka propozuar Kuvendit emrin e Petraq Milos, për kryetar të Kontrollit të Lartë të Shtetit.
Prof.Dok. Petraq Milo ka mbajtur një sërë postesh të ndryshme si në Bankën e Shqipërisë, Ministrinë e Financave apo edhe si pedagog në Fakultetin e Ekonomisë të cilin e mban akoma si post. Por, ajo që bie në sy është fakti se Petraq Milo ka qenë këshilltar i Sali Berishës për tetë vite me radhë, nga 2005 deri më 2013, kohë kur ai ishte kryeministër i Shqipërisë.
Ky është emri i 3-të i Presidentit për kryetar të KLSH-së, pasi më herët ka propozuar gjyqtaren Vitore Tusha dhe këshilltarin e tij, Bahri Shaqiri, të cilët u rrëzuan nga mazhoranca.
