Kryeministri Edi Rama vijon të publikojë foto dhe video nga aksionet në terren, në kuadër të anti-informalitetit.
Kësaj radhe, Rama ka postuar në Facebook një tjetër moment nga Inspektoriati i Punës, teksa shkruan se do të goditet çdo biznes që i trajton njerëzit e zakonshëm si skllevër.
Më tej, Rama paralajmëron se qeveria po përgatitet “për të sulmuar çibanin agresiv të kësaj faqeje të zezë, që janë deklarimet e rreme të pagave Nuk mund të pranohet më që ekonomistë, juristë, inxhinierë e deri edhe pronarë firmash, të deklarojnë pagë minimale për të shmangur detyrimet ndaj shtetit, ndërsa pjesën e luanit ta marrin në të zezë”.
Postimi i plotë:
Faqja tjetër e zezë e informalitetit është puna në të zezë! Mos regjistrimi i punonjësve, që do të thotë jo sigurim shëndetësor, jo sigurim shoqëror (pra jo vite pensioni për punën e bërë) është një skllavërim i papranueshëm i krahut të punës?
Do të godasim me të gjithë forcën e ligjit, çdo biznes që i trajton njerëzit e zakonshëm si skllevër dhe do të luftojmë, pa pushim, për të nxjerrë nga bataku i punës së zezë, çdo punonjës?
Ndërkohë, po përgatitemi për të sulmuar çibanin agresiv të kësaj faqeje të zezë, që janë deklarimet e rreme të pagave?Nuk mund të pranohet më që ekonomistë, juristë, inxhinierë e deri edhe pronarë firmash, të deklarojnë pagë minimale për të shmangur detyrimet ndaj shtetit, ndërsa pjesën e luanit ta marrin në të zezë?
#ZeroTolerancë?ndaj abuzuesve
