Presidenti i SHBA-ve, Donald Trump tha ditën e sotme (e hënë) se SHBA, Kina dhe Rusia ‘në të ardhmen’ do të fillojnë bisedimet për të ndaluar garën e ‘çmendur’ të prodhimit të armëve. Me anë të një postimi në Twitter ai tha se “SHBA ka shpenzuan 716 miliardë dollarë këtë vit për ushtrinë”.
Deklarata shënon një ndryshim dramatik për presidentin, i cili ka mbrojtur shpenzimet në rritje për ushtrinë dhe në gusht nënshkroi një projekt ligjor të shpenzimeve kolosale.
Në muajt e fundit, Trump ka përshkallëzuar sulmet e tij ndaj Rusisë për programin e saj të armëve. Presidenti amerikan njoftoi synimin e tij për t’u tërhequr nga një traktat i armëve bërthamore të epokës së Luftës së Ftohtë.
I am certain that, at some time in the future, President Xi and I, together with President Putin of Russia, will start talking about a meaningful halt to what has become a major and uncontrollable Arms Race. The U.S. spent 716 Billion Dollars this year. Crazy!
— Donald J. Trump (@realDonaldTrump) December 3, 2018
Postimi i plotë i Trump në Twitter: “Unë jam i bindur se, në të ardhmen, unë, Presidenti XI, së bashku me Presidentin e Rusisë Putin, do të fillojnë të flasin për një ndalim të asaj që është bërë një garë e madhe dhe e pakontrollueshme e armëve. SHBA shpenzuan 716 miliardë dollarë këtë vit. Çmenduri!”
