Një rast abuzimi me një të mitur është denoncuar në polici. Bëhet me dije se një 60-vjeçar ka ngacmuar një 13-vjeçare, e madje e ka prekur në pjesët intime. Policia e Kavajës ka vënë në pranga 60-vjeçarin, pasi akuzohet se ka ngacmuar seksualisht një 13-vjeçare.
Rasti në fjalë është shënuar në plazhin e Golemit, teksa vajza dhe 60-vjeçari ndodheshin me pushime. Fillimisht 60-vjeçari ka ngacmuar me fjalë vajzën, e më pas me veprime, duke e prekur në pjesët intime.
Ndërkohë, para oficerëve të policisë 60-vjeçari nuk ka pranuar se ka ngacmuar 13-vjeçaren, ndërsa e mitura ka dëshmuar të kundërtën.
