Kur mbeten 6 nga zhvillimi i zgjedhjeve parlamentare, ka dalë në pah mungesa e komisionerëve. KQZ i bëri apel partive politike që të emërojnë anëtarët e komisioneve të qendrave të votimit(KQV).
Zëdhënësja e KQZ-së, Drilona Hoxhaj, në një deklaratë për shtyp, e quajti të patolerueshme këtë situate, e krijuar për shkak të mossjelljes së emrave nga ana e partive politike që ligji ju lejon të propozojnë anëtarë në KQV.
Sipas saj, 30 KZAZ në shkallë vendi nuk kanë përmbyllur ende emërimet për Komisionet e Qendrave të Votimit, dhe konkretisht ato në qarqet Lezhë, Shkodër, Durrës, Tiranë, etj.
“6 ditë para datës së zgjedhjeve KQZ i kërkon partive politike të dorëzojnë propozimet e tyre pranë KZAZ-ve përkatëse”, deklaroi Hoxhaj.
