Prurjet e klipeve shqiptare në vitin 2017 kanë qenë mjaft të shumta dhe duhet thënë se kjo ka shtuar disi konkurrencën mes artistëve tanë.
Madje, disa prej këngëve kanë qenë aq të pëlqyera, saqë numri i klikimeve të secilës i ka kaluar 20 milionë, vetëm disa muaj pas publikimit.
Por, cilat janë këngët më të klikuara?
Duhet thënë se artisti më i suksesshëm për nga numri i klikimeve është Capital T, i cili në fakt mban stafetën por edhe vendin e dytë.
Kështu, vendin e parë e zë bashkëpunimi i Capital T me Mixey, me këngën “Hatixhe”, e cila ka marrë më shumë se 29 milionë klikime, për të vijuar më pas me bashkëpunimin mes Capital T dhe Ardian Bujupit, “Andiamo”, e cila është klikuar po ashtu më shumë se 29 milionë herë.
Në vend të tretë është “Skifterja” e Bes Kallakut dhe Klajdi Harunit me 24 milionë klikime.
Pas Kallakut dhe Harunit, në vend të katërt janë dyshja Ledri Vula dhe Young Zerka, të cilët kanë marrë mbi 23 milionë klikime me këngën e tyre “Nona”.
Në vend të pestë është klipi i Gjikos dhe Nora Istrefit, me këngën mjaft të pëlqyer “Gabime”, e cila ka marrë 20 milionë klikime.
Duket se viti 2017-të ka qenë viti i suksesit të meshkujve këngëtarë shqiptarë, mbase këngëtaret femra kanë qenë më të suksesshme me koncertet.
