Presidenti Meta ka ndryshuar mendje, duke e cilësuar marrëveshjen e 5 Qershorit si një marrëveshje ordinere. Në një intervistë gjatë mbrëmjes së sotme në ‘Opinion”, kreu i shtetit, Ilir Meta, tha se në thelb ‘5 Qershori’ nuk thotë asgjë.
“Marrëveshja e 5 Qershorit në thelb është ordinere. Ajo u përshëndet nga Komisioneri për Zgjerim, nga Bundestagu, nga Borrel dhe sekretari amerikan i Shtetit që ka pesë mijë halle. E çfarë ishte ajo? Që ne do bëjmë zgjedhje të barabarta. Kaq”, tha Ilir Meta. Ai akuzoi Edi Ramën se ka ngritur “murin e Rilindjes” kundër integrimit.
