5 persona janë shpallur në kërkim nga policia, për grabitjen e miliona eurove në Rinas. Hetimet janë shtrirë dhe në Kosovë, ndërsa ka dyshime se automjetet që u përdorën në grabitje, të jenë futur nga Kosova. Burimet nga hetimi i thanë ‘ABC News’ se ka dyshime që 2 nga 3 mjetet e përdorura nga grabitësit mund të kenë hyrë nga Kosova.
Hetuesit nxjerrin të dhënat sekrete/ Një ish-komando në grabitjen e Rinasit?
Po kështu, hetuesit kanë në administrim 3 furgonë, ku dyshohet se janë përdorur nga grabitësit, dy prej të cilëve u gjetën të djegur nga policia pas grabitjes. Mjeteve ju janë fshirë numrat e shasisë, për të penguar identifikimin e tyre.
2 mjetet e djegur tip ‘Mercedez- Benz’ dhe ‘Vito’ nuk janë denoncuar të vjedhur në polici. Nisur nga kjo, hetuesit kanë dyshime se furgonët janë importuar nga shteti i Kosovës, ndërsa koha ku dyshohet se kanë hyrë në vendin tonë është e papërcaktuar. Ndërsa furgoni me mbishkrimin ‘Hetimi Tatimor’ që u përdor nga grabitësit për të hyrë në aeroport, ka qenë i modifikuar me pjesë nga makina të tipeve të ndryshme.
Grabitja në Rinas/Krimet e Rënda kërkesë bankave për shumën e marrë
Departamenti i Drejtorisë Kriminale në Policinë e Shtetit ka kërkuar ndihmën e homologëve të tyre kosovarë, pasi dyshohet se në atë shtet është porositur një pjesë e mirë e bazës materiale, nga grabitësit e Rinasit. Veshja e kamuflazhit dhe uniformat e ngjashme me ato të punonjësve të sigurisë së aeroportit të Rinasit “ICTS”, dyshohet se janë porositur jashtë vendit.
Deri tani kërkimet policore dhe pamjet e sekuestruara nga kamerat e sigurisë të disa prej bizneseve në Tiranë e Durrës, ku dyshohet se grabitësit mund të kenë loguar furgonin e modifikuar me mbishkrimin ‘Hetimi Tatimor’, nuk kanë dhënë rezultat.
Më herët, gruaja e Murataj ka sqaruar oficerët se kishte kohë që nuk takohej me Admirin, dhe nuk kishte asnjë informacion për shoqërinë e tij dhe vendet ku ai qëndronte.
Ndërkohë pas dëshmisë së saj, në prokurori janë paraqitur dhe kanë dhënë shpjegime dy zyrtarë të lartë të TIA, që kanë për detyrë menaxhimin e sigurisë në aeroport. Ata kanë sqaruar procedurën e sigurisë, dhe pse nuk kishin dhënë në kohë alarmin për futjen në pistë të njerëzve dhe mjeteve të pa autorizuar.
Nga ana tjetër, vëllai i Admir Muratajt, Cen Murataj, përjashton mundësinë që të bëhet bashkëpunëtor i drejtësisë për të zbardhur grabitjet ku mund të ketë qenë i përfshirë Admiri. ‘Nuk bëhem kurrë spiun i Prokurorisë’.
