Deputeti që nuk pranoi të dorëzonte mandatin, Lefter Maliqi deklaroi se mbi 5 deputetë të PS nuk do të votojnë shkarkimin e Metës.
I ftuar në studion e “360Gradë”, Maliqi u shpreh se këta deputetë nuk e duan kryeministrin Rama, dhe shkak është njoha e mëparshme me presidentin Meta.
“30 qershori nuk ndodhin zgjedhjet. Unë kam një besim të patundur që nuk bëhen 94 vota. Lajmi është ky. Deputetë të PS-së mbi 5 veta nuk kanë për të votuar sepse nuk e duan Ramën dhe për shkak të njohjes me Metën”, tha Maliqi.
Kujtojmë se menjëherë pas konferencës së jashtëzakonshme të presidentit Meta, Rama mblodhi kryesinë e Partisë Socialiste ditën e sotme, ku u vendosë që do të propozojnë në Kuvend shkarkimin e Metës.
