Pas kontrolleve të imtësishme në dy kontenierët që janë bllokuar në portin e Durrësit që nga17 shtatori, u gjetën 45 kg kokainë.
Ndërkohë, mësohet se policia ka arrestuar 2 persona ndërsa ka shpallur në kërkim edhe 3 të tjerë. Të arrestuarit janë Ardian Bega dhe Altin Milsihaka, ndërkohë vijon puna për identifikimin dhe ndalimin e 3 autorëve tjerë.
Operacioni ka qenë dorëzimi i kontrolluar, dhe pakot kanë qenë të pajisura me GPS që nga policia greke. Atje është hequr kokaina dhe janë vendosur disa pako me oriz për të futur në kurth shqiptarët.
Sasia e lëndës narkotike u gjet e ndarë në dy ngarkesa, e vendosur në 2 kontenierë. Ndërkaq, pritet që sot Prokuroria e Krimeve të Rënda të japë masën e sigurisë për 2 shtetasit e ndaluar.
