Policia e Shtetit ka nisur hetimet e përbashkëta me britanikët, për rrjetin e trafikut të kartave SIM, të cilat janë sekuestruar në aeroportin e Rinasit dhe që origjinën e kanë nga Britania e Madhe. 4040 karta SIM janë sekuestruar nga autoritetet shqiptare në Rinas.
Sipas hetuesve, këto karta dyshohet se përdoren për komunikimet e grupeve kriminale. Kartat janë blerë në Angli pak ditë më parë, dhe janë sjellë në Shqipëri me postë urgjente dhe adresa e marrësit ishte te “Blloku i Vilave”, në Tiranë.
Policia e Shtetit ka nisur hetimet e përbashkëta ne britanikët për rrjetin e trafikut të kartave SIM. Ka dyshime të forta se kartat do të përdoreshin nga grupet kriminale, që veprojnë në territorin tonë.
Kartat u zbuluan pas gjurmës në skanim, e më pas u bë kqyrja e pakove dhe kontrolli nga Policia e Rinasit. Kartat janë aktive me PIN dhe PUK, ç’ka ka bërë që policia të vihet në lëvizje pasi duke u shitur në treg të zi, mund të përdoren për shpërthim të bombave celular, shantazheve, mesazheve në aplikacionet e koduara e thirrjeve nëpërmjet data use.
