Ka nisur në Gjermani një nga proceset gjyqësore më të bujshme, e cila pritet të zgjasë deri në muajin qershor.
Në bandën e të akuzuarve është një grup shqiptarësh, që kanë trafikuar më shumë se 1.8 ton kokainë, e cila kapte një vlerë tregu prej 400 milionë eurosh.
Sasia e lëndë narkotike u gjet mes kutive të bananeve, ndërsa bëhet fjalë për sasinë më të madhe të kokainës të kapur në Gjermani, shkruan gazeta gjermane ‘Bild’.
Pesë shqiptarët që kanë dalë përpara gjykatës në Landshut janë: Emiljan H., 38 vjeç, Klajdi D., 25 vjeç, Dashamir N., 34 vjeç, Dario L., 22 vjeç dhe Alberto K., 40 vjeç, i cili mendohet se është kreu i bandës. Sipas Bild, ai mban mbi vete 15 identitete të ndryshme.
Më shumë se 500 hetues u vunë në gjurmët e bandës shqiptare. Disa prej tyre kishin mbërritur në Gjermani nga Shqipëria, të armatosur.
Falë përgjimeve, hetuesit kanë gjetur selinë e dyshuar të bandës në Hamburg. Organizatori kryesor, Alberto K. u arrestua nga forcat speciale bavareze në një kafene.
Ata e kishin marrë lëndën narkotike nga Ekuadori duke e lënë atë në Portin e Hamburgut për ta shpërndarë në kampet e maturimit në të gjithë Gjermaninë, më pas do e merrnin drogën dhe do e dërgonin në Holandë.
