Një 40-vjeçare me inicialet B.B., është gjetur e vdekur në banesën e saj. Nga ekspertiza paraprake mjeko-ligjore, dyshohet se vdekja mund të jetë shkaktuar si pasojë e kontaktit të viktimës me rrymën elektrike, gjatë bërjes së dushit.
Policia thotë se “rreth orës 22:10, në lagjen nr 1 në Pogradec, në banesën e saj ku jetonte e vetme, në kabinën e dushit, u gjet i dekompozuar trupi i shtetases B.B, rreth 40-vjeçe”.
Nga të dhënat e para, rezulton se dera e banesës ka qenë e mbyllur me kyç nga brenda dhe automati është gjetur i ulur.
Lidhur me këtë rast, grupi hetimor po punon për të zbardhur rrethanat e ngjarjes.
