Ministri i Brendshëm i Serbisë Nebojša Stefanović ka njoftuar se 4 punonjës të Ministrisë së Brendshme kanë ndërruar jetë si pasojë e koronavirusit.
Përgjatë një prononcimi për “Radio Beogradin”, ai shtoi se 180 zyrtarë të Ministrisë së Brendshme janë infektuar me COVID-19 dhe se të gjithë janë në gjendje të stabilizuar.
Kujtojmë se Serbia gjendet në javën e gjashtë të shpërthimit të epidemisë së koronavirusit të ri dhe sipas të dhënave zyrtare, në këtë vend janë të konfirmuar 4,873 raste të të infektuarve.
Deri më tani, 99 persona kanë vdekur.
