Mes 32 urdhër arresteve të cilat janë lëshuar nga SPAK, është edhe emri i një avokati të njohur që dyshohet se ka bashkëpunuar mes bandet kriminale. Në rrjetën e SPAK ka rënë edhe avokati me inicialet A.B, i cili dyshohet se ka kërkuar nga grupe kriminale që të hedhë në erë makinën e ish-bashkëshortes së tij. Operacioni është në vijim, dhe nuk dihet ende nëse është arrestuar apo jo avokati në fjalë, i cili gjatë punës së tij ka bërë edhe mbrojtjen e anëtarëve të këtyre grupeve kriminale në gjyq.
Aksioni është shtrirë në Tiranë, Durrës, Fier, Elbasan dhe Korçë, ku janë prerë 32 udhër-arreste e gjithsej janë 10 të ndaluar, mes tyre policë që ndihmonin grupet kriminale. Përflitet edhe për emra të njohur të botës së krimit. Operacioni u zhvillua pas zbërthimit të Nuredin Dumanit para prokurorëve të SPAK, i cili ka zbardhur një mori ngjarjesh të bujshme kriminale që kanë ndodhur gjatë viteve të fundit në vend, kryesisht atentate të bujshme në Elbasan, Tiranë, Peqin dhe Shkodër.
