Organizata ʽMEKʼ ka reaguar pas lajmit të transmetuar në Top Channel dy ditë më parë ku tre muxhahedinë denoncuan se çfarë ndodh në kampin e tyre në Durrës.
Kjo organizatë ka përgënjeshtruar tre personat të cilët dëshmuan në emisionin televiziv duke thënë se të tre personat kanë qenë tre agjentë të MOIS dhe Forca terroriste Quds.
“Ministria e Intelegjencës Gestapo (MOIS) e fashizmit fetar që sundon Iranin, i cili ka hyrë në fazën përfundimtare të mbytur nga kryengritja e popullit iranian, është angazhuar në një akt hakmarrës për blerjen e një programi televiziv në Top Channel TV në Shqipëri më 12 Shkurt, 2018. Përmbajtja krejtësisht e rreme e këtij programi televiziv është kundër Rezistences iraniane dhe refugjatëve iranianë në Shqipëri dhe shkel parimet më themelore të paanësisë gazetareske”, nis reagimi.
Deklarata e plotë
Ministria e Intelegjencës Gestapo (MOIS) e fashizmit fetar që sundon Iranin, i cili ka hyrë në fazën përfundimtare të mbytur nga kryengritja e popullit iranian, është angazhuar në një akt hakmarrës për blerjen e një programi televiziv në Top Channel TV në Shqipëri më 12 Shkurt, 2018. Përmbajtja krejtësisht e rreme e këtij programi televiziv është kundër Rezistences iraniane dhe refugjatëve iranianë në Shqipëri dhe shkel parimet më themelore të paanësisë gazetareske. Në këtë program televiziv, tre agjentë të MOIS dhe Forca terroriste Quds, natyra e të cilave tashmë ishte zbuluar, janë marrë në vendin e ngjarjes nën emrin e ish-anëtarëve të PMOI për të përsëritur akuzat e rreme të regjimit të mullahut kundër PMOI dhe Rezistences iraniane. Këto gënjeshtra janë qartësisht një skenar për aktet terroriste kundër PMOI dhe refugjatëve iranianë. Top Channel nuk ka marrë asnjë kontakt me PMOI dhe përfaqësuesit e banorëve para transmetimit të këtyre gënjeshtrave të turpshme.
Ky program i shërben vetëm diktaturës fetare që sundon Iranin dhe planet e tij për zhvillimin e ekstremizmit fetar dhe terrorizmit. Kjo vlen të përmendet sidomos në kohën kur miliona iranianë po bëjnë thirrje për përmbysjen e Mullahëve të regjimit te Velayat-e Faqih duke kënduar “Vdekje Khamenei-t” dhe “Vdekje Rouhani-t”.
Ehsan Bidi, i cili u shfaq në programin e Top Channel, është pikërisht agjenti për të cilin Rezistenca iraniane ka zbuluar dokumente dhe dëshmi i të qenit një agjent i regjimit iranian ne disa raste. Deklarata e Komitetit për Sigurinë dhe Anti-terrorizmin e NCRI-së, paraqet në 2 Dhjetor 2013: “Më 19 prill 2012, Ehsan Bidi u dorëzua tek forcat irakiane dhe shkoi në Hotel Mohajer që kontrollohet nga elementë të MOIS dhe forcës terroriste të Qods. Rreth vjeshtës 2012, Bidi shkoi në Egjipt me një pasaportë të falsifikuar. Megjithatë, zyrtarët egjiptianë u bënë dyshues dhe e arrestuan atë. Ndërsa ishte në burg në Egjipt, ai ishte në kontakt me përfaqësimin e regjimit në atë vend dhe Haj Nasser, kreu i MOIS në ambasadën e regjimit në Bagdad, i dërgonte para përmes përfaqësuesit të regjimit në Egjipt. Inteligjenca e mullahut u përpoq më pas të përdorte elementët e saj për të dërguar Bidi-n në Austri, Finlandë apo Danimarkë, por përkundër marrëveshjeve primare, organet përkatëse në këto vende refuzuan ta pranonin këtë element të ekspozuar dhe ai u kthye prapë në Irak … më vonë ai shkoi në Turqi dhe pastaj nga Turqia në Rumani dhe pastaj në Shqipëri me një pasaportë që i është dhënë nga MOIS. Kjo pasaportë me numër serie 16359072, e lëshuar më 27 Janar 2013 dhe e vlefshëme për pesë vjet, tregon qartë se statusi i refugjatit për këtë individ është krejtësisht e pakuptimtë. “Ky është një fakt i cili është berë i ditur disa herë UNHCR-së nga Rezistenca Iraniane.
Një tjetër agjent i intervistuar nga Top Channel është Manouchehr Abdi, i cili shkoi në kampin Ashraf nga Irani në Gusht të vitit 2004 dhe PMOI e pranoi atë si refugjat vetëm mbi baza humanitare (Kërkesa e tij për t’u pranuar si refugjat në 19 Gusht 2004 është e pranishme në gjykatë). Më 24 Maj 2017, për shkak të lidhjes së tij me Gestapon e Mullaheve, ai u përjashtua nga PMOI, dhe deklarata në të cilën ai pranoi dhe nënshkroi këtë lidhje të turpshme është bashkëngjitur. Më 4 Shtator 2017, urdhri për dëbimin e tij u postua në faqen e internetit Iran Efshagar për njohjen e të gjithë iranianëve.
Saadullah Saifi ishte agjenti i tretë që u përdor në programin e Top Channel kundër Rezistencës iraniane. Komunikimet e tij nga Shqipëria me agjentët e MOIS brenda Iranit dhe jashtë vendit, si dhe urdhri për dëbim e tij nga PMOI e datës 10 Nëntor 2017, u botuan nga faqja e internetit Iran Efshagar.
Komiteti i Sigurisë dhe Anti-Terrorizmit i NCRI në deklaratën e tij të 5 Shkurtit 2018 zbuloi se MOIS ka vendosur agjentin e vet veteran Mostafa Roodaki në Shqipëri si sekretari i parë i ambasadës së regjimit në këtë vend.
Duke paguar para, Roodaki përdor ish-anëtarë për të kryer komplotet e MOIS kundër PMOI. Deklarata shton se gjatë zhvendosjes së anëtarëve të PMOI në Shqipëri, Gholam Hossein Mohammadnia, një tjetër agjent veteran i MOIS, u emërua ambasador i regjimit në Shqipëri. Mullah Ahmed Hosseini Alast, atasheu kulturor i ambasadës së regjimit në Shqipëri, në fakt është përfaqësuesi i Organizatës Islamike për Marrëdhënie dhe Kulturë e lidhur me zyrën e Khameneit, e cila është një nga organet kryesore të regjimit për eksportin e fundamentalizmit dhe terrorizmit.
Anne Khodabandeh (Singleton), një agjente tjetër e MOIS, udhëtoi tre herë në Shqipëri në Nëntor 2017. Ajo u takua me të tre të intervistuarit e Top Channel dhe i instruktoi ata. (Fotot e saj me tre agjentët në Shqipëri janë të bashkangjitura).
UPI shkroi për Anne Singleton më 7 Mars 2017:
“Një raport i ri i autorizuar nga Pentagoni dhe i lëshuar nga Biblioteka e Kongresit ofron një vështrim të frikshëm në operacionet e Ministrisë së Inteligjencës të Iranit pikërisht këtu në Shtetet e Bashkuara …
Për shembull, raporti thotë se “MOIS rekrutoi ish-anëtarë të (Muxhahidinëve të Iranit) në Evropë dhe i përdori ato për të nisur një fushatë disinformuese kundër (PMOI)” …. Në mesin e atyre që përmenden në raport janë Massoud Khodabandeh dhe bashkëshortja e tij britanike Anne. Raporti i Pentagonit tregon se si këta dy individë të lidhur më parë me PMOI u rekrutuan nga MOIS në mesin e viteve 1990 dhe përdoreshin si mjete kundër opozitës. Çifti ka udhëhequr disa fushata për të demonizuar PMOI. Raporti tregon për zhvillimin nga ana e çiftit të faqes së internetit “Iran-interlink” e ndërtuar në mënyrë eksplicite me urdhër të Teheranit. Faqja e internetit është një përzjerje e artikujve të marra nga burimet kryesore të lajmeve dhe të ndryshuara për t’iu përshtatur narrativës anti-PMOI “ndërsa artikujt e tjerë janë shprehimisht nga burimi i lajmeve të regjimit”.
Rezistenca iraniane kërkon parandalimin e agjentëve të fashizmit fetar nga abuzimi që kryejnë me titullin dhe lehtësirat për refugjatët. Agjentët e një diktature terroriste nuk duhet të ndotin titullin e azilantit politik. Bashkimi Evropian, në rezolutën e tij të Prillit 1997, urdhëroi dëbimin e agjentëve të inteligjencës iraniane nga shtetet anëtare, pas një vendimi të Gjykatës Mykonos në Gjermani, e cila identifikoi Vali-e faqih (Kryetari i Lartë), presidentin, ministrin e jashtëm dhe ministrin e inteligjencës së regjimit si përgjegjës për vrasjen e disidentëve iranianë.
Sekretariati i Këshillit Kombëtar të Rezistencës së Iranit
13 Shkurt 2018
Pse rrogat rriten në letra, por varfëria rritet në realitet?
