Mjekët dhe psikologët thonë se është mosha ku njeriu vendos se me cilat ushqime do të ketë një tërheqje apo një largim. Për këtë arsye mjekët këmbëngulin se ne duhet t’u mësojmë dhe të t’u përcjellim rregulla dhe shprehi të mënyrës së shëndetshme të ushqimit. Sepse, ushqimi i shëndetshëm do të jetë shtyllë e shëndetit të fëmijës suaj. Madje, jo vetëm varësia, por edhe sistemi imunitar forcohet më shumë në këtë moshë. Por mjaft prindër rrezikojnë që të trasnferojnë shijet e tyre tek fëmijët, duke i larguar nga disa ushqime që për shumë arye ata u qëndrojnë larg.
Si mund të nisë dita?
Më e mira është që të fillohet me një gotë lëng të shtrydhur të pemëve apo perimeve, të zbutur me pak ujë. Një lugë mjaltë apo ekstrakt i nxjerrë nga elbi do të ishte e dobishme. Më pas fëmijës i jepen së paku katër lloje të pemëve sezonale. Dritëthrat dhe pemët e thata janë më pas të preferuara, ndërkohë që duhen shmangur ushqimet e konservuara – salsiçe, margarinë, vezë të fërguara, sallame, majonezë, çekokrem, etj. Mundësisht mëngjesi duhet të jetë i payndyrshëm dhe pa fërgesa. Mund të jetë bukë me gjalpë të vajit të ullirit me mjaltë, pekmez shtëpie, sallatë e freskët etj. Në vend të qumështit provohet kosi natyral. Për vaktet e ndërmjetme sugjerohen ushqime të lehta që të mos zëvendësojnë drekën apo darkën.
Dreka është vakti kryesor i fëmijës. Nëse është e mundur duihet bërë kujdes që ushqimi të jetë sa më i larmishëm e të mos përsëritet shpesh brenda një kohe të shkurtër. Gjithashtu, çfarëdo ushqimi që do të përgatitet, është mirë të shoqërohet me sallatë të freskët. Sallatat duhet të jenë të freskëta, të begatshme dhe të llojllojshme. Nuk duhet harruar se perimet rrënjore janë burim i energjisë dhe i jetës. Rrepat, dajkoni që i ngjan karrotës por është e bardhë, selinoja duhet të jenë pjesë e sallatës, që të mos mbetet në pjatë vetëm domate, trangull dhe spec.
Ushqimi i fëmijëve nuk duhet të ketë ushqime të fërguara të tipit të fast food dhe ushqime me shumë erëza. Shtylla e ushqimit është pikërisht në këtë moshë. Tërheqje ndaj bizeles, bishtajave e thjerrëzës, formohen pikërisht në këtë moshë. Ndosha shpesh që prindërit tërhiqen nga këmbëngulja e fëmijës për të mos pranuar një ushqim. Prindërit duhet të bëhen rezistentë dhe insistues me ato lloje të ushqimeve që nuk i duan. Duhen shmangur në maksimum patatinat. Në vend të tyre mundësisht duhen konsumuar bajame, arra, lajthia, fara të lulediellit apo të kungullit, por gjithmonë të papjekura.
Gjithashtu, është e rëndësishme që sheqerin për trupin e tyre fëmijët të mos e marrin nga ëmbëlsirat e çokollatat, por nga lëngjet e ndryshme.
Po darka a duhet e lehtë apo e rëndë?
Darka duhet të jetë e ndryshme nga dreka, për të kombinuar ushqimet. Por çdo kombinim ka nevojë për sallatë të freskët. Mjekët këshillojnë që darka të mos jetë shumë e ngarkuar me ushqime të rënda pasi fëmija me ushqim ka edhe dhe gjumë më të lehtë.
E rëndësishme është që të ketë sa më pak ushqime të kosnvervuara, duke i mësuar fëmijët me ushqime sa më të freskëta. Frutat dhe perimet janë një burim shumë i mirë shëndeti, nëse i konsumojmë sa më afër kohës kur janë këputur apo nxjerrë nga toka.
