Numri i personave të prekur nga koronavirusi në Maqedoninë e Veriut është rritur, duke shkuar në 114.
Informacioni i mësipërm është konfirmuar nga Ministria e Shëndetësisë, e cila bëri me dije se ditën e sotme janë regjistruar 29 raste të reja.
Raportohet se rastet me COVID-19 janë nga Shkupi, Ohri, Dibra, Shtipi dhe Kumanova.
Kujtojmë se specialistët e mjekësisë i kontrollojnë të dyshuarit për koronavirus për tre simptoma bazë: kollë, temperaturë dhe marrjen e frymës.
Ekspertët nuk sugjerojnë mbajtjen e maskave nga publiku i gjerë, por vetëm nga ata që janë të sëmurë dhe mjekët.
Ata rekomandojnë mbajtjen e dorezave në rast se mendoni se do të prekni sipërfaqe apo persona që mund të jenë kontaminuar, por me kushtin absolut që të mos preket me to fytyra dhe në veçanti sytë.
