Rexhina Debrova është 25-vjeçarja e cila ka ndërruar jetë pas lindjes në maternitetin e Elbasanit. Më herët, familjarët e së ndjerës hodhën akuza në drejtim të mjekëve, pasi sipas tyre, janë treguar të pakujdesshëm.
Lidhur me këtë ngjarje ka reaguar edhe një mjeke e spitalit të Elbasanit, e cila shprehet se është e shokuar. Po kështu ajo ka thënë se 25-vjeçarja ka mbërritur në spital me urgjencë, dhe se nuk i është bërë vizita e zemrës. Gjithsesi, ende nuk ka një komunikim zyrtar nga ana e spitalit të Elbasanit, për ngjarjen e rëndë që ka ndodhur.
”Mjeku i zemrës erdhi me tre orë vonesë”, janë shprehur më herët familjarët e viktimës për ‘FaxWeb.al’.
Burimet bëjnë me dije se e reja e ka pasur fëmijën e saj të parë, gjendja e të cilit paraqitet e mirë, pas operacionit ku e ëma e tij humbi jetën.
Tragjike/ Lindi fëmijën e parë, 25-vjeçarja vdes në duart e mjekëve
