Nga: Ilir Demalia
PD që prej krijimit saj, e krijuar nga krijuesit e KQ dhe Sigurimit të Shtetit si “parti e djathtë”, nuk ka qenë as edhe nje moment e tillë.
Drejetuesit e kësaj partie nuk kishin as filozofi dhe doktrinë të djathtë, as ekonomike as politike. Ata erdhën nga kontigjentet më besnike të regjimit.
Që prej ditës së krijimit, kjo parti është krijuar si udhëheqje nga shërbëtorët partiak-kulturor dhe bashkëpuntorët e Sigurimit të regjimit komunist. Merri që nga lideret e studentëve, kryetari shoku Sali , dhe vazhdo e zbrit deri në bazat e galloshove .
Shqipëria nuk arriti të bëjë pastrimin politik, kulturor dhe kriminal të regjimit komunist. Ende sot shqiptarët nuk kanë krijuar pas 30 vjetësh të djathtën si shtrat politik, ekonomik, kulturor.
Kemi rrotacion klanor të forcuar ekonomikisht si banda kriminale, të kapove PS -PD dhe LSI dhe koneve të partipiçkave që shetisin sa në një kualicion në tjetrin si prostitutat e dritave të kuqe. Të gjithë këta që sillen prej 30 vjetësh në skakierën politike i ka bashkuar krimi dhe korrupsioni si sundim bandash politike.
Shqipëria dhe shqiptarët ende sot nuk kanë alternativë morali-politik, social-ekonomik dhe strategji kombëtare për vendin e rrënuar nga bandat politike të postdiktaturës, që kanë arritur me sukses , të ndertojnë ashtu si dje regjimi komunist , njeriun e ri, këta sot, si vazhdimësi e djeshme, njeriun demo(n)shkerdhatokratik si bastardim social.
