Gazetari i njohur investigativ, Artan Hoxha është shprehur se 4 vrasjet e 21 janarit të vitit 2011, kanë ndodhur 2 orë e gjysmë pasi filloi protesta, në një hark kohor prej 15 sekondash. Deklarata e Hoxhës u bë mbrmjen e sotme në emisionin “Log” në ABC News.
Hoxha tha se Garda e Republikës kishte informacione se po të binte nata, protestuesit do qëllonin me armë zjarri.
Ndër të tjera, Hoxha deklaroi se autoritetet kishin informacione se përballë shtëpisë së Sali Berishës, ishte parkuar një automjet tip Benz me targa gjermane për të bërë atentat, por kjo sipas tij nuk u provua kurrë.
Artan Hoxha: ”Vrasjet kanë ndodhur 2 orë e gjysmë pasi ka filluar protesta. Vrasjet kanë ndodhur kur garda nuk kishte më trupa rezervë për të mbajtur situatën nën kontroll. Garda thotë se kishin informacione se po të binte nata protestuesit do qëllonin me armë zjarri. U qëllua në turmë që turma të mos afrohej më aty. Derisa kanë ndodhur vrasjet janë përdorur për 40 minuta fishekë ushtarakë. Vetëm ai fragmenti 5-10 sekonda kemi një perde zjarri, katër të vrarë dhe 13 të plagosur. Ekspertiza ka bërë gafën më të madhe duke dashur t’i mbrojë dhe u ka bërë gropën.
Berisha dhe Ndrea Prendi dolën në një intervistë në të njëjtën kohë. Dhanë alibi për ngjarjen. Në asnjë moment nuk ka dalë që është qëlluar dritarja e kryeministrit. Predhat nuk janë mbi muret e kryeministrisë. Ata kishin informacion që një Benz me targa gjermane ishte parkuar para shtëpisë së Berishës për të bërë atentat. Por kjo nuk u provua.
Berishën e implikon ajo që bëri pas ngjarjes. Çështja e 21 Janarit nuk është mbyllur asnjëherë sepse kemi dy të vrarë pa autorë. Nuk ka nevojë fare për prova të reja. Disa OPGJ kanë marrë dosjet. Thuhet që ka mungesë të një hetimi efektiv për zbardhjen e ngjarjes dhe mohimin e aksesit familjar dhe e dyta “jemi informuar që ka mungesë të hetimit. Ky hetim nuk ka mbaruar”.
