Kreu i PD-së, Lulzim Basha ka falënderuar Bashkimin Evropian në lidhje me ndihmën e dhënë për testet e koronavirusit.
Basha ka shpërndarë në Twitter mesazhin e ambasadorit të BE-së Luigi Soreca. Kreu i opozitës thekson se vetëm rritja e numrit të testimeve mundëson identifikimin real të të prekurve dhe frenimin e përhapjes së virusit.
“Thank you to #EU??for the precious help to Albania??. Vetëm rritja e numrit të testimeve mundëson identifikimin real të të prekurve dhe frenimin e përhapjes së virusit. Izolimi i qytetarëve dhe bllokimi i ekonomisë na kushton më shumë se rritja e numrit të testimeve. @LSorecaEU”, shkruan Basha.
Ambasadori i Bashkimit Evropian në Tiranë Luigi Soreca njoftoi pak më parë se në Shqipëri do të mbërrijnë 20 mijë teste për COVID-19.
