Pagesa prej 20 mijë dollarë ishte ajo që shqiptarët do të duheshin të paguanin për të udhëtuar në drejtim të ShBA-së. Ky çmim është paguar nga qindra qytetarë shqiptarë, si mundësi për të udhëtuar drejt SHBA, Kanadasë dhe Anglisë, me anë të dokumenteve dhe pasaportave false.
Policia italiane në Peruxhia në bashkëpunim me Policinë kufitare amerikane Homeland Security ka ekzekutuar operacionin “Overtime” i cili ka goditur grupin kriminal italo-shqiptarë, ndërsa ishin këto persona të cilët organizonin trafikimin e njerëzve përkundrejt shifrave të lartpërmendura.
Sipas policisë italiane, skema e pagesës parave ishte e ndarë në dy pjesë, gjysmat paguheshin në fillim , ndërsa pjesa e mbetur iu merrej në momentin e mbërritjes në destinacion. Në hetimet e këtij operacioni ka marrë pjesë dje një agjent i FBI e janë shtrirë në tre shtete në Shqipëri, Itali e SHBA duke identifikuar 36 shtetas shqiptarë që kanë hyrë në territorin amerikan me pasaporta të falsifikuara o të vjedhura italiane.
Nën pranga janë vënë 3 persona, shtetasi shqiptar P.P 37 vjec e dy italianë 47 e 44 vjeç. Sipas policisë italiane shtetasi shqiptar ishte personi që siguronte pasaportat, të cilat rezultojnë të vjedhura apo të falsifikuara. Ky grup kriminal kishte disa baza logjistike në Shqipëri. TIRANA TODAY
