Redaksia Tirana Today feston sot 2-vjetorin e krijimit të saj duke i shërbyer çdo ditë sfidës për të raportuar shpejt, saktë dhe objektivisht.
E krijuar më 3 prill 2017, Tirana Today lindi si një mision me objektiva të qartë për të qenë të paanshëm dhe për të thënë të vërtetën ashtu siç është, duke bërë një ndryshim në tregun e mediave online.
Sot, pas 2 vitesh, Tirana Today ka lënë gjurmë në peizazhin e medias online, duke u përpjekur të shndërrohet në një multimedia të mirëfilltë, duke pasqyruar aktualitetin në forma të ndryshme.
Një media gjeneraliste, ku në fokus të saj qëndron trajtimi i fushave të ndryshme, duke nisur që nga aktualiteti politik, ekonomik, social shqiptar e deri tek sporti apo çështjet më me ndikim në botë.
TT Fokus është aktualiteti i sjellë për ju nën ‘lupën’ e qytetarëve, ekspertëve, apo analistëve duke ofruar një mundësi për ngritjen e zërit të gjithsecilit, që ndjen se tregu mediatik e ka censuruar.
Histori të dhimbshme, ngjarje interesante, intervista, vox pop-e apo opinione nga më të ndryshmet vijnë çdo ditë pranë jush për t’ju dhënë atë që disi i mungon medias shqiptare, duke bërë çdo ditë të saj një diferencë më të madhe.
Për të rejat më të fundit dhe zhvillimet më të zgjeruara, klikoni në www.tiranatoday.com, ose shkarkoni në App Store dhe Play Store “Tirana Today”. Gjithashtu, mund të na ndiqni në faqen tonë në Facebook, në Twitter dhe në Instagram në adresën Tirana Today News.
Misioni vazhdon, faleminderit që na ndiqni!
