Kryeministri Edi Rama njofton se nga janari, 28.813 foshnje kanë përfituar bonusin e bebes. Gjithashtu vë në dukje se me buxhetin e 2021, do të mbështeten me 2 miliardë lekë familjet e reja.
Në një periudhë pandemie si kjo që po jetojmë, kreu i qeverisë thotë se shpresa dhe jeta triumfojnë gjithmonë. Edhe në këtë vit të vështirë, mbështetja ndaj familjeve shqiptare nuk është ndalur.
Sakaq, vijon të zbatohet politika sociale e qeverisë, që mbështet familjet e reja, me pagesën universal të Bonusit të Bebes, e cila jepet për çdo familje, pavarësisht statusit social-ekonomik. Bonusi është universal, ndaj përfitohet nga të gjitha familjet, pavarësisht se ku vendos nëna që të sjellë në jetë fëmijën.
Statusi
MIRËMËNGJES
Ëngjëjt e vegjël që vijnë në jetë në këto kohë sfiduese, bashkë me gëzimin e papërshkrueshëm për familjet e tyre, na kujtojnë se shpresa dhe jeta triumfojnë gjithmonë
Nuk e kemi ndalur për asnjë moment mbështetjen për familjet e reja që gëzohen me fëmijë, edhe në këtë vit të vështirë. Nga Janari, 28,813 të porsalindur kanë përfituar bonusin e bebes
Siç jemi zotuar, me #buxhetin2021 mbështesim me 2 miliardë lekë familjet e reja:
40,000 lekë për fëmijën e parë
80,000 lekë për fëmijën e dytë
120,000 lekë për fëmijën e tretë
