Një 40-vjeçar nga Maqedonia, ka përfunduar në pranga pasi ka mashtruar disa të rinj, duke i siguruar ata se do u gjente punë në Gjermani ose Belgjikë për vetëm dy mijë euro.
Maqedonasi, i identifikuar si Irfan Ahmeti, kontaktonte me të rinjtë që kërkonin punë në faqet online, duke u thënë se mund t’u gjente punë sezonale jashtë shtetit, m vetëm 2 mijë euro.
Pak muaj më parë, tre të rinj i paguan nga 2 mijë euro secili 40-vjeçarit nga Maqedonia, ndërsa ai u tha të niseshin drejt Gjermanisë.Të rinjtë kanë paguar vet edhe biletën e udhëtimit, por kur kanë shkuar në Gjermani, maqedonasi nuk ua ka hapur më telefonin. Më pas 3 të rinjtë janë kthyer në Tiranë dhe kanë denoncuar 40-vjeçarin, i cili është arrestuar nga Krimi Ekonomik.
Sipas policisë, mund të ketë edhe persona të tjerë që janë mashtruar nga maqedonasi Irfan Ahmeti, por që nuk kanë denoncuar ende.
Ndërkohë burimet sqarojnë se Irfan Ahmeti është një emër i njohur për autoritet shqiptare. Ai është arrestuar në shkurt të 2016-së, pasi bashkë me dy persona të tjerë iu gjetën 550 mijë paketa cigare që po kalonin kontrabandë në drejtim të Sllovakisë. Ai u lirua nga Gjykata pasi pagoi garancinë 10 mijë euro.