Më datë 4 gusht një shpërthim i fuqishëm u regjistrua në Liban, ku për pasojë ndërruan jetë më shumë se 158 persona, ndërsa mbetën të plagosur mijëra të tjerë.
Së fundmi shumë protestues janë mbledhur në kryeqytet për të kërkuar largimin e qeverisë.
Ata e cilësojnë atë përgjegjëse për shpërthimin që ndodhi.
Sipas protestuesve, qeveria e dinte që në port ndodheshin sasi të mëdha të nitratit të amonit dhe nuk bëri asgjë për largimin e këtij rreziku.
Madje, ata kanë kërkuar që të qeverisen nga shtete të huaja, për shembull nga Franca, në vend të klasës së korruptuar politike në vend.
Policia ndërhyri për të shpërndarë turmën e protestuesve duke hedhur ndaj tyre edhe gaz lotsjellës.
Mediat ndërkombëtare bëjnë me dije se protestuesit i janë përgjigjur policisë me bomba molotov dhe për pasojë Ministria e Jashtme në Beirut është përfshirë nga flakët.
