Në një seancë maratonë që është zhvilluar në Gjykatën për Krimet e Rënda, ish-ministri i Brendshëm, Saimir Tahiri, ka kërkuar pafajësinë sot. Ai ka mbrojtur veten, duke renditur arsyet se nuk është i përfshirë në trafikun e drogës.
‘Dosja.al’ ka mësuar Tahiri nuk ka harruar të thumbojë në këtë seancë ministren e Drejtësisë, Etilda Gjonaj, dhe nënkryetarin e bashkisë, Arbër Mazniku, që kanë fjetur në hotele luksi. Me ironi ai ka thënë se në media ka dëgjuar çudira, se ka fjetur në hotele 1 mijë euro nata. Ai garantoi se çmimi më i shtrenjtë i paguar si ministër është vetëm 140 euro.
“Prokuroria ka hetuar të gjithë lidhjet e mia shoqërore, dhe ka pyetur me letër porosi. Se ç’ punë kishte këtë nuk e di. Ka çuar letër porosi dhe ka pyetur edhe për çmimet e hoteleve ku kam fjetur, në media u tha se unë flija në hotele me 1 mijë euro nata. Por ju garantoj se me letër porosi është garantuar se çmimi më i shtrenjtë i paguar si ministër, është vetëm 140 euro, jo si ajo tjetra që paguante 900 euro nata”, mësohet të jetë shprehur Tahiri.
