“Dua vetëm të dëgjoj njëherë vajzën të thotë mami të dua shumë”. 13 vite vuajtje me vajzën e cila kur erdhi në jetë, kishte probleme të rënda shëndetësore.
Olta Seli, 13-vjeç nga Tirana, ka mungesë oksigjeni në tru që nga lindja. Për këtë arsye ajo nuk lëviz dot, e po kështu nuk flet.
E ëma e saj duhet t’i qëndrojë pranë gjithë kohës, pasi Olta nuk ushqehet dot, por ajo e merr nëpërmjet një tubi në stomak për shkak të një ndërhyrje që ka bërë kur ishte 3 javëshe.
Vuajtjet e nënës duket sikur nuk kanë fund. Ajo po “shtrin dorën” për ndihmë, pasi kurimi i Oltës kushton 15.000 €. Vajza ka nënën dhe një motër më të madhe, e ndërsa i ati i ka vdekur kur ishte 1-vjeç.
Ju lutemi të na bashkoheni, që të mund të ndihmojmë Oltën të rifillojë jetën e saj.
