Nga Fredericha Mogherini
Sot ka qenë një ditë vërtet historike për Bashkimin Evropian, 23 vende evropiane kanë nënshkruar një “Bashkëpunim të Përhershëm Strukturor” në fushën e mbrojtjes. Teknikisht quhet PESCO, në praktikë është themeli i një mbrojtje të ardhshme evropiane. Shtetet anëtare kanë rënë dakord të punojnë së bashku që qytetarët evropianë të ndihen më të sigurt, për të racionalizuar shpenzimet përmes investimeve të përbashkëta në kërkimin dhe zhvillimin e aseteve të reja, për të krijuar iniciativa të përbashkëta për të qenë më efektivë dhe më efikase. Sepse vetëm nëse veprojmë së bashku, mund të përkujdesemi për një mjedis ndërkombëtar të brishtë si ai i BE-së.
Kur mora njoftimin dhe letrën zyrtare, të nënshkruar nga 23 ministra, ishte një moment emocionues. Dyert e ndryshimit ishin hapur një vit e gjysmë më parë, kur për herë të parë u propozova shteteve anëtare të fillonin punën për mbrojtjen e Evropës, ashtu siç parashikohej gjashtëdhjetë vjet më parë nga babai themelues i Bashkimit Evropian. Bashkimi Evropian është në bast me kohën për të lënë prapa fantazmat e së kaluarës, ndërsa përballemi me një botë që ndryshon me shpejtësi. Dhe sot kemi bërë këtë gjë. Ne kemi treguar se Bashkimi mund t’u shërbejë prioriteteve të shteteve anëtare dhe shpresojmë që kjo rrugë të ndiqet edhe në fusha të tjera.
Ne hodhëm poshtë mendimet e vjetra dhe frikën se një mbrojtje evropiane mund të krijonte konkurrencë midis BE-së dhe NATO-s: Përkundrazi, gjatë viteve të fundit i kemi bërë marrëdhëniet tona me NATO-n edhe më të forta. Sekretari i Përgjithshëm i NATO-s Jens Stoltenberg ftohet rregullisht në takimet e Ministrave të Mbrojtjes së BE-së dhe unë gjithmonë marr pjesë në takimet e NATO-s. Një Evropë e fortë mund ta bëjë NATO-n më të fortë.
Tani e tutje do të diskutojmë projektet e para që shtetet anëtare do të hartojnë së bashku – pesëdhjetë prej tyre tashmë janë paraqitur – në mënyrë që të fillojmë bashkëpunimin në dhjetor. Udhëtimi sapo ka filluar.
Përshtati Tirana Today
Shënim: Federica Mogherini është përfaqësuesja e Lartë për Politikën e Jashtme dhe Sigurinë e Bashkimit Evropian
