Numri i njerëzve të pa vaksinuar në Gjermani është ende aq i madh, sa rrezikon të mbizotërojë sistemin shëndetësor të vendit. Ky paralajmërim ka ardhur nga Ministri i Shëndetësisë, Jens Spahn, të mërkurën.
Edhe pse numri i vaksinimeve është në rritje, 12 milionë të rritur nga gjithsej 69 milionë në vend, ende nuk janë të imunizuar kundër koronavirusit, shkroi Spahn në Twitter.
Spahn, të cilit i kanë mbetur vetëm pak ditë në detyrë para se të betohet qeveria e ardhshme, tha se deri më tani janë dhënë më shumë se 10 milionë goditje përforcuese. Gjermania synonte ta dyfishonte këtë numër deri në Krishtlindje, shtoi ai.
Ndërkohë, njerëzit që ishin në radhë për vaksina përforcuese në kryeqytetin Berlin të mërkurën, qëndruan në radhë të gjata deri në tre orë, raportoi CNN. Në disa raste, njerëzit e frystruar u larguan nga linjat përpara se të merrnin vaksinën e tyre.
Gjermania po lufton me një valë të katërt Covid-19. Po kështu ka një nga nivelet më të ulëta të vaksinimit në Evropën Perëndimore, me një total prej 68.6% të të rriturve të kualifikuar të vaksinuar plotësisht, sipas Ministrisë së Shëndetësisë të vendit.
Burimi i lajmit: CNN. Përshtatur nga Tirana Today
