Hungaria ka njoftuar për masa më të rrepta kundër pandemisë, pasi ka patur shifra rekord në shtrimet në spitale dhe vdekjet të shkaktuara nga COVID-19.
Në një video të postuar në Facebook, kryeministri, Viktor Orban tha se do të vendoset orë policore prej orës 8 të mbrëmjes deri në 5 të mëngjesit dhe se kjo masë do të zbatohet nga të gjithë, përveç atyre që shkojnë në punë.
Bizneset do të duhet të mbyllen në orën 7 të pasdites, ndërsa restorantet do të kufizohen vetëm në shërbimin e dërgimit dhe shpërndarjes nëpër shtëpi të produkteve, ngjarjet sportive do të mbahen pa tifozë, dhe tubimet familjare dhe ngjarjet e tjera private do të kufizohen në 10 persona.
Kopshtet parashkollore, kopshtet dhe shkollat për fëmijë deri në 14 vjeç do të mbeten të hapura, por universitetet dhe shkollat e mesme do të kalojnë në mësimin në distancë.
Vendimi do të fillojë të zbatohet nga mesnata e 10 gushtit, dhe kufizimet e reja do të qëndrojnë në fuqi për të paktën 30 ditë.
Në 24 orët e fundit, Hungaria raportoi 5,162 raste të reja dhe 55 vdekje duke e çuar numrin e përgjithshëm të vendit në më shumë se 114,000 të infektuar dhe rreth 3,000 viktima.
