Sot shënohen 11-vite nga protesta e 21 Janarit të vitit 2011, ku mbetën të vrarë 4 protestues në bulevardin Dëshmorët e Kombit. Më 21 Janar humbën jetën Aleks Nika, Ziver Veizi, Hekuran Deda dhe Faik Myrtaj, para Kryeministrisë, në protestën e thirrur nga Partia Socialiste. Hetimi i parë çoi si të pandehur për ngjarjen Ndrea Prendin dhe Agim Llupon, që u dënua nga Apeli me 1 dhe 3 vjet burg për “vrasje nga pakujdesia” .
Pas më shumë se një dekade nga ngjarja, Prokuroria e Tiranës rinisi hetimet për 4 viktimat Hekuran Deda, Aleks Nika, Ziver Veizi dhe Faik Myrtaj dhe plagosjen e 6 të tjerëve. Policia dorëzoi në Prokurori letër kërkesën, ku u kërkua ri-ekspertim hetimor, një ditë para mbushjes së dhjetë viteve nga ngjarja e rëndë. Kreu i qeverisë shprehet me bindjen që drejtësia vonon, por nuk harron. Ndër të tjera ai thekson se nderon katër protestuesit paqësorë të 21 Janarit.
Statusi
MIRËMËNGJES
dhe me bindjen që drejtësia vonon po nuk harron, si edhe ndjesinë më në fund pozitive nga shenjat e dallueshme të veprimit të drejtësisë së re, nderojmë sot katër protestuesit paqësorë të 21 janarit, vrasja barbare e të cilëve kërkon drejtësi.
