Greqia po njeh përmirësime të dukshme sa i përket kurbës së të prekurve nga koronavirusi.
Në 24 orët e fundit janë shënuar vetëm 22 raste të reja, ndërsa është shënuar edhe një viktimë. Kështu numri total i vdekjeve nga COVID-19 në shtetin fqinj shkon në 102.
Që nga shpërthimi i koronavirusit, Greqia ka regjistruar gjithsej 2,192 raste infektimi. Deri më tani janë shëruar 269 persona, ndërsa 1,800 raste janë ende aktive. Mësohet se 76 persona ndodhen në gjendje kritike për jetën.
Profesori Sotiris Tsiodoras tha se duhet vigjilencë maksimale për 2 javët e ardhshme, në mënyrë që nga 27 maji të fillojë hapja.
Nga ana tjetër Sekretari për Mbrojtjen Civile, Harlidis ka siguruar se nuk do të ketë qarkullim në fundjavë për Pashkët Ortodokse.
Më shumë se milionë njerëz nga e gjithë bota janë prekur nga koronavirusi, ndërsa mbi 128 mijë persona kanë vdekur.
