Kreu i Partisë Demokratike, Lulzim Basha ka lëshuar disa mesazhe për politikën shqiptare në 10-vjetorin e vdekjes së At Zef Pllumit.
Nga Katedralja e Shën Palit në Tiranë, Basha theksoi se vepra e At Zef Pllimit ‘Rrno vetëm për me tregue’ duhet të jetë pjesë e teksteve shkollore për të rinjtë, ndërsa tha se mesazhi i saj është aktual.
“Mesazhi i At Zef Pëllumit ia vlen shumë, pasi sot na kërcënohet liria, liria e zgjedhjet. Jeta dhe veprat e At Zef Pëllumit janë një kushtrim për lirinë.
Vepra e tij ‘Rrno vetëm për me tregue’, duhet të jetë në tekstet shqiptare si një kushtrim për njerëzit e lirë, se ia vlen çdo sakrificë kur liria kërcënohet. Veprat dhe jeta e At Zef Pëllumbit nuk e ka vendin në muze, por në jetën e përditshme të shqiptarët, pasi aty e ka vendin e keqja”, u shpreh Basha.
MESAZHI I BASHËS:
Bashkë me zotin Bumçi vizituam sot një ekspozitë të hapur nga vëllezërit françeskanë me rastin e 10 vjetorit të ndarjes nga kjo botë e At Zef Pllumit. I rekomandoj kujdo që nuk e ka parë këtë ekspozitë, të vijë e ta shohë, është frymëzuese, prekëse.
Mesazhi i At Zef Pllumit është se ia vlen çdo sakrificë për lirinë. Dhe ky mesazh kumbon sot shumë sepse liria na kërcënohet, në veçanti na kërcënohet liria e zgjedhjes. Jeta dhe vepra e At Zef Pllumit janë një kushtrim për lirinë. Vepra e tij më e njohur “Rrno vetëm për me tregue” duhet të jetë në tekstet shkollore për rininë shqiptare, si një dëshmi autentike e ferrit komunist, si ndërgjegja e një shoqërie që e humbi për 50 vjet rrugën e saj dhe si një kushtrim për të gjithë njerëzit e lirë, se ia vlen çdo sakrificë kur liria kërcënohet.
Së fundmi, dua të them se At Zef Pllumi, vepra, jeta e tij, virtytet e tij nuk e kanë vendin në muze por në jetën e përditshme të shqiptarëve. Në muze e ka vendin e keqja e cila bën vend ditë për ditë në jetën e shqiptarëve.
Qoftë ky bekimi i heshtur i At Zef Pllumit që shoqëria dhe qytetarët shqiptarë ta gjejnë forcë, ta kyçin të keqen në muze e ta zbresin të mirën në jetën e tyre të përditshme.
