Diktatori Kim Jong-un është padyshim një nga figurat më enigmatike në botë. Kur ishte i ri, ai u dërgua për shkollim në Zvicër. Sigurisht, miqtë e tij të shkollës nuk e dinin se i biri i kujt ishte. Sot, ai është lideri i shtetit më të izoluar në botë, ndërsa ish-miqtë e tij të shkollës kanë treguar 10 gjëra që me siguri nuk i dinit për Kim Jong-un.
- Adhuron Air Jordan!
Kur ishte adoleshent, Kim ishte i fiksuar me basketbollin, sidomos me ekipin Chicago Bulls. Dhomën e tij e kishte të mbushur me foto të ekipit, ndërsa pranë mbante gjithmonë atletet Air Jordan.
- Kishte pseudonim
Ai nuk donte të njihej si djalë i diktatorit, prandaj u prezantua si Pak Un, ndërsa thoshte se është fëmija i një punëtori të Ambasadës së Koresë së Veriut në Bernë.
- Kishte suitën e tij
Në Zvicër bënte jetë të mirë. Në çdo çast kishte koreanoveriorët që punonin për të si shërbëtorë, si asistentë e truproje. Dy nga ta xhironin çdo ndeshje të tij të basketbollit. Shokët çuditeshin e mendonin se kjo është një traditë e tyre.
- Fliste shumë
Edhe pse familja e tij bënte të pamundurën ta mbante të fshehur identitetin e tij, Kim fliste shumë dhe disa herë tregoi kush ishte. Kur një ditë këtë ia tha mikut të tij, ai nuk e besoi.
- S’i duronte makaronat e ftohta
Miku i tij, Joao, e vizitonte shpesh Kimin në suitën e tij, në kuadër të Ambasadës së Koresë së Veriut. Ai tregon se si shpërtheu Kimi, kur një herë kuzhinieri ia shërbeu makaronat e ftohta. “U habita, se rrallë sillej ashtu”, tha Joao.
- I adhuronte “tutat”
Kim donte të ndihej rehat, kështu që vishej shpesh me tuta Nike.
- Nuk ishte i kthjellët
Edhe pse ishte dy vjet më i vjetër se shokët e tij, për shkak të njohurive të dobëta të gjuhës gjermane, rrallë merrte nota të mira. Gjatë vitit të parë të shkollimit, ka munguar 75 ditë, e gjatë vitit të dytë 105 ditë.
- Nuk ngopej me djathë
Gjatë qëndrimit dyvjeçar në Zvicër, Kim kishte oreks të madh. E adhuronte djathin zviceran, madje ai dërgoi kuzhinierë në shkolla më të njohura kulinare në Evropë për të mësuar sekretet e prodhimit të djathit të mirë. Nga viti 2012 ka shtuar 40 kilogramë, për shkak të djathit.
- I pëlqen filmat aksion
Kim nuk gjendej mirë në ambientet shoqërore, sidomos në prani të femrave, ndaj kalonte shumë kohë para televizorit. Kur nuk shikonte basket, donte filmat aksion.
- U zhduk
Atij i kishte mbetur edhe pak për ta përfunduar shkollën, kur më 2000 zhduket pa shpjegim nga internati. Shokët kishin menduar se është sëmurë e do të kthehet, por kjo nuk ndodhi kurrë.
