Të kesh një kafshë shtëpiake është një përgjegjësi e madhe që shkon përtej ushqyerjes dhe shëtitjes së saj. Ja cilat sende të përditshme mund të rezultojnë të rrezikshme për kafshët tuaja shtëpiake. Përpiquni t’i mbani larg tyre.
Pica
Picat janë të rrezikshme për kafshët tuaja, sidomos ato që përmbajnë hudhër, qepë dhe djathë. Djathi është rekomanduar tu jepet kafshëve shtëpiake, por ai që përdoret zakonisht në pica përmban shumë laktozë, gjë që mund të jetë e dëmshme për kafshën tuaj.
Ilaçet
Lista e tabletave që duhet të mbajmë gjithmonë larg nga miqtë tanë me 4 këmbë vazhdon. Në përgjithësi, çdo ilaç që përmban acetaminofen, është i rrezikshëm. Ky ilaç shkakton dëmtime të mëlçisë te qentë ose anemi te macet dhe mund të jetë fatale.
Çokollatë, kafe, kafeinë
Një filxhan kafe dhe një çokollatë mund të jetë jetike për mëngjesin tuaj, por ato mund të jenë fatale për kafshët tuaja. Të gjitha këto produkte përmbajnë një substancë helmuese për kafshët shtëpiake të quajtura “methylxanthine”.
Konsumi mund të shkaktojë të vjella, konvulsione, madje edhe vdekje. Nëse shihni ndonjë nga këto simptoma ose dyshoni se kafsha juaj ka ngrënë një sasi të madhe çokollate telefononi menjëherë veterinerin.
Rrush i thatë
Këto ushqime të shijshme duhet të konsumohen vetëm nga njerëzit, pasi ato përmbajnë një nivel të lartë të toksicitetit për kafshët shtëpiake. Ngrënia e rrushit mund të rezultojë me dridhje, të vjella, probleme në veshka dhe letargji.
Alkooli
Nëse e doni kafshën tuaj, sigurohuni që mos u jepni asnjë pikë alkooli. Mund të sjellë të njëjtin dëmtim në mëlçi dhe veshka si te njerëzit dhe do të rezultojë në aciditet jonormal të gjakut, zvogëlimin e koordinimit, koma dhe pushimin e zemrës.
Qepë dhe hudhër
Sigurohuni që këto produkte të mos preken nga miku juaj me putra. Ato mund të shkaktojnë acarim gastrointestinal dhe dëmtime në qelizat e kuqe të gjakut, duke rezultuar në anemi.
Insekticide
Kimikatet për të sulmuar insektet janë toksike për kafshët shtëpiake dhe mund të rezultojnë në anoreksi kronike dhe dobësi të muskujve, të cilat mund të zgjasin për ditë ose edhe javë. Gjithmonë lexojini udhëzimet dhe zgjidhni vende efektive për t’i aplikuar, vende që nuk janë të arritshme nga kafshët tuaja.
Monedha dhe metale
Disa metale dhe monedha mund të gëlltiten pa dëmtuar kafshën, por absolutisht jo ato të bëra nga zinku. Nëse metali arrin në stomak, zinku shkrin, gjë që lejon që të absorbohet në qarkullimin e gjakut, duke dëmtuar mëlçinë veshkat ose zemrën. Nëse dyshoni se kafsha juaj ka ngrënë diçka që përmban zink, mos u përpiqni që kafsha juaj të vjellë. Kontaktoni veterinerin tuaj menjëherë.
Detergjentët
Shumica e detergjenteve përbëhen nga kimikate që mund të provokojnë të vjellja. Rreziku më i madh qëndron në detergjentet e rrobave, pasi ata kanë erë të mirë dhe duken si lodra ose karamele për kafshën tuaj. Ato lehtësisht mund t’i gëlltisin ose t’i kafshojnë.
“Produktet e pastrimit”
Pastruesit e furrës, pastruesit e koncentruar të tualeteve, kimikatet për larjen e enëve dhe kimikatet e pishinave. Këto produkte mund të shkaktojnë djegie kimike nëse konsumohen ose ekspozohen ndaj lëkurës ose leshit të kafshës. Pasojat variojnë nga ethet e rënda deri te humbja e shikimit dhe letargjia. (TIRANA TODAY)
