Nën presion interesash ose jo, aleanca PD-LSi nuk mund të jetë aleancë që do të funksionojë. Nuk bëj aspak Kasandrën, por me një vështrim empirik të realiteti cilido që largon nga sytë perden e militantit mund ta analizojë.
1- Partia demokratike gjatë gjithë periudhës së saj opozitare nën drejtimin e Bashës, nuk ka arritur qoftë edhe një fitore politike. Kjo dëshmon për paqartësi, mungesë programi dhe mangësi të theksuara organizative.
2- Basha, si lider i kësaj partie nuk ka asnjë cilësi që të inspirojë, apo të krijojë besim tek përkrahësit. Diskursi I tij politik është I vakët, pa thelb dhe shpesh i ngjan një aktori amator që aktron pa e kuptuar përmbajtjen e asaj që reciton.
3- Të rinjtë e partisë demokratike janë një kopje e keqe e kryetarit që sa herë dalin para kamerave aq herë dëshmojnë paaftësinë e tyre politike dhe narcizmin e tyre social.
4- Lëvizja socialiste për integrim, hyn në këtë aleancë me një histori të qëndrueshme tradhtish politike. Kjo e bën këtë parti të pabesueshme në aleanca politike dhe pse interesat mund ta kërkojnë një të tillë. LSI është gjithnjë në “lëvizje” për të kërkuar partner që i garantojnë asaj qëndrimin në politikë, ndaj fate mirë me një ofertë “kërcënuese” ajo mund ta lerë në baltë PD-në në momentin kulmor.
5- LSI e ka të domosdoshme të shfaqet si aktore kryesore e politikës, pasi lidershipi i saj është në vështirësi ligjore. Si e tillë LSI i intereson rrëmuja dhe “mosbindja civile”.
LSI e vetme nuk arrin të ngrejë as siparin e shfaqjes politike ndaj i duhet detyrimisht një parti e madhe.
Kjo do të thotë se LSI kërkon me ngulm të përfshijë PD-në në rrugën e saj por jo për të realizuar qëllimet e përbashkëta të opozitës por për tu bërë “faktor i rëndësishëm” politik në kohen e reformave të mëdha, duke siguruar të ardhmen e saj politike.
6- Partia Demokratike e nxitur nga z Berisha, mik besnik i ish liderit të LSI-së, me siguri do të bjerë në kurthin e LSI-së duke humbur edhe njëherë vlerat e saj opozitare.
7- Diskursi politik i lidershipit të LSI_së është jo vetëm acarues por edhe destabilizues për vendin dhe kjo nuk mund të dakordësohet me vullnetin popullor i cili është lodhur me trazira, djegie e shkatërrime.
Ndaj me sondazhe të kryera rezulton se dalja publike e lidershpit të LSI-së në publik ose shkakton irritim dhe përbuzje ose qeshje e humor pafund.
8- Aleanca PD-LSI nuk ka gjetur dot kalin e betejës politike. AS Z Basha e as Zj Kryemadhi nuk janë në kushte të flasin për “luftë kundër korrupsionit” apo “krimit të organizuar” apo kapjes së shtetit. Të dy këta në sytë e opinionit publik më së pari duhet të japing llogari për cka I kanë bërë këtij vendi dhe këtij populli. Ndaj aleanca është kështu pa vizion.
9- Politikisht të dy lidershipet e kanë të qartë se z Rama nuk mund të rrëzohet me dhunë dhe aq më tepër me “rrëmuja” që fshehin synimet e vërteta. Pra qëllimi nuk është rrëzimi real i Ramës, por krijimi i tymnajave që garantojnë jetëgjatësinë në politikë të atyre që duhet të dalin para drejtësisë sa më parë.
10- Së fundmi është fatkeqësi për vendin që opozita politike shqiptare përfaqësohet nga një aleancë e tillë e cila mund ta mbajë në pushtet Rama, sa ti dojë qejfi këtij të fundit! Duket se ka ardhur koha për daljen në skenë të një opozite reale njerëzish të ndershëm që e duan vendin dhe popullin! Unë shpresoj dhe besoj se brezi I djemve e vajzave që kanë parë botën demokratike, që janë arsimuar aty së bashku me djem e vajza të Shqipërisë së vërtetë ( dhe jo paramilitarë si LSI-stat e “vegjel”) mund ta bëjë vendin dhe ti japin popullit një elitë të re politike!
