Pas kamerës së fshehtë të denoncuar nga emisioni “Stop”, ku për të hyrë pa radhë në pavionin onkologjik dhe për të bërë rreze, mjafton të paguash të paktën 1000 Euro, një reagim i menjëhershëm ka ardhur nga Ministrja e Shëndetësisë, Ogerta Manastirliu.
Ajo bën me dije se janë shkarkuar nga detyra shtetasit me inicialet P.Ç dhe E.H., punonjës të shërbimit Onkologjik në qëndrën Spitalore Universitare “Nënë Tereza”, dhe ndjekje të çështjes në organet kompetente.
Po kështu ministrja shton më tej se kushdo që shkel ligjin dhe rregullat, do të marrë ndëshkimin e merituar.
Deklarata
“FALEMINDERIT EMISIONIT “STOP” PËR DENONCIMIN!
REAGIMI YNË ËSHTË:
PEZULLIM DHE SHKARKIM I MENJËHERSHËM NGA DETYRA PËR SHTETASIT ME INICIALE P.Ç DHE E.H., PUNONJËS TË SHËRBIMIT ONKOLOGJIK NË QENDRËN SPITALORE UNIVERSITARE “NËNË TEREZA”, DHE NDJEKJE TË ÇËSHTJES NË ORGANET KOMPETENTE.
JEMI NE KRAHUN E ÇDO QYTETARI QË DENONCON!
KUSHDO QË SHKEL LIGJIN DHE RREGULLAT, BALTOS PUNËN E NJË KOMUNITETI PROFESIONISTËSH, MJEKËSH DHE INFERMIERËSH SI DHE DËMTON RAPORTIN E BESIMIT MJEK-PACIENT, DO TË MARRË NDËRSHKIMIN E MERITUAR.
ASKUSH NË SISTEMIN SHËNDETËSOR PUBLIK NUK DUHET TË SHPËRDOROJË DETYRËN DHE BESIMIN E DHËNË PËR T’U SHËRBYER QYTETARËVE.
PO INVESTOJMË E PUNOJMË ÇDO DITË PËR SISTEMIN TONË SHËNDETËSOR.
PO INVESTOJMË NË PËRMIRËSIMIN E KUSHTEVE TË PUNËS, NË RRITJEN E PAGAVE PËR PERSONELIN MJEKËSOR, NË TEKNOLOGJI E PAJISJE, QË TË GARANTOJMË PËR QYTETARËT E PACIENTËT KUJDES SHENDETËSOR CILËSOR.
RASTE SI KY JO VETËM TURPËROJNË ARMATËN E MJEKËVE DHE INFERMIERËVE TË NDERUAR, QË PUNOJNË E SAKRIFIKOJNË DITË E NATË PER T’U KUJDESUR PËR JU, POR DHE PENGOJNË PERMIRESIMIN E SISTEMIT!
NDAJ, ASNJË HEZITIM PËR TË DENONCUAR!”, përundon ajo.
Skandali/ Si paguhen 1 mijë Euro nën dorë tek QSUT (Kamera e fshehtë)
