Pak kohë pasi bënë publike lidhjen e tyre edhe në rrjetet sociale, Taulant Xhaka dhe Arbnora Nuredini kanë vendosur për të hedhur hapin e radhës. Çifti, në këtë fillimvit kanë shpallur fejesën dhe këtë moment e kanë ndarë me të gjithë miqtë virtualë.
Pas një periudhe pushimesh dimërore së bashku me familjen Xhaka, çifti ka mbledhur në festë private të gjithë të afërmit dhe miqtë për të kurorëzuar lidhjen e dashurisë.
Kështu, Taulanti, ka ndjekur hapat e të vëllait të tij, Granitit, i cili vitin e kaluar kurorëzoi në martesë dashurinë me Leonita Lekajn.
Futbollisti i kombëtares shqiptare ka ndarë edhe foton e parë të ëmbël nga Instagrami. Sapo kanë postuar foton duke prerë tortën e fejesës që mban edhe shkronjat e para të çiftit, kanë shpërthyer urimet e të gjithëve për çiftin e ri të showbiz-it. Edhe Graniti ka bërë urimin e tij virtual duke shkruar: “Urime FEJESA vllau jem”.
