Një zyrtar ukrainas tha të premten se “korridoret humanitare detare” të shpallura në fillim të kësaj jave nga ushtria ruse, nuk ishin rënë dakord nga Ukraina dhe akuzoi Rusinë se po përpiqet t’ia hedhë fajin Ukrainës për një krizë globale ushqimore.
Serhii Bratchuk, zëdhënës i Shtabit Operativ të administratës rajonale të Odesës, tha se një njoftim nga Ministria Ruse e Mbrojtjes për korsitë e sigurta për anijet ishin “përpjekje për të krijuar një alibi informative për Rusinë”.
“Pra, kjo është vetëm një tjetër gënjeshtër e Rusisë dhe një përpjekje për të fajësuar Ukrainën në krijimin e një krize ushqimore”, tha ai.
Bllokada ruse e porteve të Ukrainës ka kontribuar në mungesën globale të grurit. Presidenti rus Vladimir Putin dhe kryeministri italian Mario Draghi diskutuan çështjen e sigurisë globale të ushqimit, në një telefonatë të enjten.
Sipas Kremlinit, Putin tha se Rusia ishte e gatshme të ndërmarrë hapa për të zbutur krizën, duke lejuar eksportin e grurit nëse Perëndimi heq atë që Rusia i quan sanksione “të motivuara politikisht”.
Këtë javë, ushtria ruse pretendoi se do të hapte dy “korridore humanitare detare”, një nga drejtimi i porteve ukrainase të Kherson, Mykolaiv, Chornomorsk, Ochakiv, Odesa dhe Pivdennyi (Yuzhny) dhe një tjetër nga porti i Mariupol në deti Azov. Në telefonatën e tij me Draghin, Putin pretendoi se funksionimi i atyre korridoreve ishte “penguar nga pala ukrainase”, tha Kremlini.
Gjenerali i ushtrisë Christopher Cavoli, i nominuari për të qenë gjenerali i ardhshëm i lartë i SHBA-së, që mbikqyr praninë ushtarake të SHBA-së në Evropë, u tha ligjvënësve të enjten se mungesa e grurit “po ndihej në kontinentin afrikan”.
Burimi i lajmit: CNN. Përshtatur nga Tirana Today
