Gjatë ditëve të fundit, është aluduar shumë lidhur me gjendjen shëndetësore të Kim Jong-un. Madje disa media kanë arritur deri aty sa të hamendësojnë se diktatori ka ndërruar jetë pas një operacioni në zemër. Këto zëra shkojnë deri aty sa edhe të bëjnë parashikime se kush do ta zinte postin e tij.
Një zyrtar i lartë ka hedhur poshtë këto pretendime, duke thënë se diktatori jo vetëm që është gjallë, por është në gjendje të mirë shëndetësore.
“Qeveria jonë njofton me bindje se Kim Jong është shëndoshë e mirë. Nuk është e vërtetë që ai ka ndërruar jetë. Kim Jong-un është duke qëndruar në një nga banesat e tij të pushimeve, jashtë rrezikut për jetën”, ka thënë këshilltari Moon Jae-in.
Deklarata e tij është e vërtetë? Në fakt jo vetëm qëndrimi i tij, por ekzistojnë edhe fakte të tjera të cilat dëshmojnë se lideri diktatorial i Koresë së Veriut është gjallë. Këtë fakt e dëshmojnë pamjet e marra nga satelitët amerikanë.
Portali 38North që është i specializuar për analiza mbi situatën në Korenë e Veriut, ka publikuar foto satelitore ku duket treni që përdor diktatori për të lëvizur. Madje thuhet se ai po qëndron aty, për të mos rrezikuar infektimin nga koronavirusi.
