I dërguari special i Shteteve të Bashkuara të Amerikës, Matthew Palmer, gjatë vizitës së tij në rajon, ka takuar edhe Sekretaren e Përgjithshme të Këshillit të Bashkëpunimit Rajonal, Majlinda Bregun.
Biseda mes tyre është fokusuar tek vendimi i Bashkimit Evropian për hapjen e negociatave për anëtarësim të Shqipërisë e Maqedonisë se Veriut dhe nisja e bisedimeve mes Kosovës e Serbisë. Takimi është mbajtur në Slloveni.
Po ashtu, në fjalën e mbajtur, Palmer shpalosi edhe objektivat e SHBA-ve për Ballkanin Perëndimor, ndërsa shtoi se Amerika synon të çojë përpara zhvillimin e të gjithë vendeve të rajonit.
