Zyrtarizohen kandidaturat të cilat do i paraqiten nesër Këshillit të Përgjithshëm për zgjedhjen e kreut të Komunitetit Mysliman Shqiptar.
Në mbledhjen e mbajtur sot, Kryesia e KMSH-së vendosi se në garë për kreun e KMSH-së janë: Ylli Gurra, Bujar Spahiu, Gramoz Blliku dhe Islam Hoxha.
Nga ana tjetër, kandidatura e Gëzim Abdi Hoxhës nuk është miratuar për të qenë pjesë e garës.
Zgjedhjet do të mbahen nesër, ndërsa gjatë mbledhjes së sotme, myftiu i Tiranës Ylli Gurra, i cili është një nga kandidatët për kreun e KMSH-së, kërkoi shtyrjen e zgjedhjeve, në mënyrë që të ketë më shumë afat për njohjen e programit të secilit kandidat.
