Ministri i Brendshëm, Sandër Lleshaj, ka njoftuar nëpërmjet rrjeteve sociale se një oficer policie është dëmtuar nga mjetet e ndaluara shpërthyese që kanë hedhur protestuesit.
“Një oficer policie është dëmtuar nga mjetet e ndaluara shpërthyese që hodhën protestuesit. Drejtuesit e protestave duket se kanë financa të mëdha për të blerë mjete shpërthyese të ndaluara, por edhe vullnet të plotë për të goditur forcat e rendit”, shkruan ai në Twitter.
Tashmë është tensionuar protesta e opozitës te selia e parlamentit. Në drejtim të forcave të policisë janë hedhur dhjetëra tymyese, flakadanë dhe kapsolla.
