Tashmë s’ka më kthim pas, teksa është konfirmuar se Lionel Messi do të jetë lojtar i PSG. Pas më shumë se 48 orëve që pranoi ofertën e PSG, Lionel dhe babai i tij Jorge Messi duket se janë pajtuar me gjigantin francez. Më herët, gazetarja Veronika Brunati, nëpërmjet një postimi në “Twitter” njoftonte se “Pleshti” do të firmoste me PSG sot.
Raportimet e fundit nga “L’Equipe”, thonë se Messi ka arritur marrëveshje me skuadrën e PSG, teksa avioni i tij pritet në orët e ardhshme në kryeqytet.
Media prestigjioze franceze zbulon se “Pleshti” do të kryejë ekzaminimet mjekësore në fund të ditës, dhe më pas do të nënshkruaj kontratën 2-vjeçare, me të drejtë rinovimi edhe për një vit tjetër.
